Los Deltonos

Artista:

Data de Lanzamento

Descripción

Los DelTonos é un grupo de rock formado en 1986 en Muriedas, Cantabria. Comezou sendo un trío, con Hendrik Röver como único guitarrista, ademáis de baixo e batería. Tras varios cambios na súa formación só Röver segue no grupo desde a fundación do mesmo. Dende a gravación de “Sólido” son catro os compoñentes coa incorporación de Macaya como guitarrista.

Definir o seu estilo musical máis aló de “grupo de Rock” é arriscado pois calquera definición supón simplificar demasiado dada a gran cantidade de influencias e matices que hai nas súas composicións. Nos seus comezos consideróuselles un grupo de Rhythm and blues pero foron cambiando con cada novo traballo, incorporando sons próximos ao Funk, o Power Pop, e nos seus últimos discos, sobre todo “GT” e “Buenos Tiempos”, sons sureños, con máis presenza de guitarras acústicas ou a Steel guitar, evolucionando cara a un rock que podería encadrarse no xénero coñecido como Americana, pero mantendo sempre un son propio e característico marcado polo estilo persoal e virtuoso á guitarra de Hendrik e as letras sempre en castelán das súas composicións propias.

Despois do seu aclamado traballo “Saúde!”, gravado e producido polo propio Hendrik Röver en Guitar Town Recordings, os estudos de Hendrik en Muriedas, en marzo de 2017 Los Deltonos publican o seu decimotercer álbum.
Ao longo da súa extensa carreira Hendrik Röver compaxinou Los DelTonos con outros proxectos musicais onde dar saída ás súas moi diversas influencias musicais. Creou Hank, un trío de Power Pop que Hendrik definiu como “Turbo Pop” co que sacou dous discos. En 2008 publicou en solitario Esqueletos, un álbum case exclusivamente acústico próximo ao Bluegrass. En 2010 saca un segundo disco en solitario, Non temades por min, seguindo os pasos de “Esqueletos”.

Los Deltonos son: Hendrik Röver (guitarra, voz) , Fernando Macaya (guitarra, coros), Pablo “Z” Bordas (baixo), Javi Arias (batería)

Discografía
1989 – Los Deltonos (EP)
1989 – Albert and the blue Kings (ao vivo)
1990 – Tres hombres enfermos
1992 – Bien, mejor
1992 – Albert & The Blue Kings (ao vivo)
1995 – Los DelTonos en ZZ’s Top (ao vivo)
1996 – Ríen mejor
2003 – Sólido
2003 – On (EP)
2005 – GT
2007 – Sixpack vol. I (EP)
2008 – Buenos tiempos
2011 – La caja de los truenos
2012 – Saluda al campeón
2015 – Salud !
2016 – Sixpack Vol II (EP)
2016 – Live en La Burbuja (ao vivo)
2017 – Los Deltonos
2017 – Bocetos Vol.1

NOTA Manel Celeiro & Eduardo Izquierdo – Revista Ruta66
< Quedoume marcada unha opinión sobre a banda cántabra protagonista destas liñas, …non podo exactamente fixar quen o declaraba, pero era máis ou menos así: ?Los Deltonos, todo o que teñen gañáronno a base de collóns e carreteira?. Pareceume unha verdade coma un templo. E é que, sobreentendendo a súa indubidable calidade musical, superaron prohibicións xudiciais absurdas e loitas legais coa súa discográfica poñendo un par enriba da mesa e subíndose á furgoneta cada fin de semana. Era ademais a súa época de máxima popularidade, o seu club de fans, o “Club Enfermo”, contaba con máis de quince mil afiliados e os seus concertos enchíanse fóra onde fose que tocaban. Daba igual unha sala para cen acodes nun pobo de Galicia que unha para dous mil como o Zeleste (agora Razzmatazz) de Barcelona, o seu suorento e intenso power blues arrasaba por onde pasaba. Tiñan ideas, xiras con entradas de balde ós bolos dos posuidores do carnet do club, singles de coleccionista, merchandising exclusivo, e unha capacidade de traballo tremenda. Diso hai moitos anos, todo cambiou neste tramo de tempo, a industria, o público, a sociedade, os soportes e o xeito de escoitar música, pero eles seguen aquí. Evolucionando musicalmente, pasando de trío a cuarteto, superando baixas de membros, editando discos e, por riba de todo, dando concertos. Aplicando ao pé da letra o mandamento eterno do rock, o ritual de cargar a furgoneta, enchufar os amplificadores e rockear onde lles chamen. Los Deltonos cumpriron trinta anos de carreira no 2016. Historia do rock nacional. Son unha das bandas cuxa filosofía casa á perfección coa desta casa e sempre lles prestamos atención desde as nosas páxinas. Así que, pese a que sabemos de boa fonte que non son moi amigos destas efemérides, era obligatorio renderlles unha pequena homenaxe …>

Texto: Manel Celeiro & Eduardo Izquierdo – Revista Ruta66

Cancións