Ruxe Ruxe

Artista:

Data de Lanzamento

Descripción

Para moit@s é por méritos propios unha das bandas máis lendarias do país movéndose á marxe dos grandes poderes da cultura, das modas e do políticamente correcto e converténdose ano tras ano nunha das bandas senlleiras do punk-rock galego con xa máis de duascentas cancións orixinais publicadas na lingua de Rosalía e Castelao.

Co espiritu de loita por bandeira, do rock do país, do rock libre e de combate, do realismo máxico e do corpo a corpo sinceiro, directo e emocional a esencia do adn dos Ruxe Ruxe queda patente en cada disco editado e en cada concerto que deron dende os seus inicios no ano 96.

Ademáis de discos os Ruxe Ruxe contan cun documental recentemente estreado cun cheo no Teatro Principal en Compostela no 2015. Ruxe Ruxe foi, é e será unha banda de culto. As súas cancións son banda sonora en peliculas, anuncios de TV, programas deportivos e xa forman parte da memoria colectiva dunha parroquia de galegos e galegas que sempre lles agasalla o seu cariño, admiración e respecto.

Son xa parte fundamental da música en galego. Tocaron en incontables festivais do país e fixeron xiras que os levaron ininterrumpidamente polos mellares escenarios tamén alén das nosas fronteiras e sempre con moi boa acollida tanto polo público como pola critica.

20 anos que seica lles pasaron como 20 segundos e neste novo disco falan precisamente de todas as experiencias vividas polo grupo neste tempo. 20 anos despois e máis en forma, con máis calidade, máis emotividade, máis carisma, máis rápidos e máis intensos que nunca. Aquí volo presentamos. Agora tócavos escoitalo.

Adiante, sempre adiante!

Ruxe Ruxe son: Carlos Freire (baixo), Xan Pericán (saxofón, frautas, pandeiretas e coros), Vituco Neira (guitarra e voz), Miguel Duarte (guitarras electricas, acústicas e coros), Héctor Ojea (batería), Xaco Barona (gaita)

Discografía:
1996 – Rarezas 96/14+ 2ª parte
1999 – Ruxe-Ruxe
2000 – Non temos medo
2002 – A terra dos comentos
2004 – Fervendo
2006 – Comercial
2008 – Xigantes
2010 – Na fura de diante
2012 – Máis Cancións sobre Toxos, Cardos e Silveiras
2014 – Némesis
2015 – Un mundo perfecto
2015 – Sempre adiante! (DVD)
2016 – “20 segundos”

Cancións